طريقة اللعب

• كل لاعب معاه 4 ورقات، وعلى الترابيزة 4 مكشوفين. في دورك انزل ورقة واحدة.
• الورقة الرقم (من الآص = 1 لحد 10) تاخد أي ورقة شبهها، وأي مجموعة ورق مجموعها نفس رقمها. مثلًا الـ 9 تاخد 9، أو 5 و 4.
• البنت (Q) والشايب (K) ياخدوا بس اللي شبههم. الولد (J) يكنس الترابيزة كلها.
• السبعة الديناري (الكومي) جوكر: تشتغل كأي رقم من 1 لـ 10 وتاخد أكبر عدد ممكن.
• البصرة: لو أخدت كل اللي على الترابيزة بورقة غير الولد = 10 نقاط. والولد على ولد لوحده = 30 نقطة. آخر ورقة في اليد ما تتحسبش بصرة.
• آخر الدور: اللي أخد آخر مرة ياخد الباقي، واللي معاه ورق أكتر ياخد 30 نقطة. أول واحد يوصل 101 يكسب.